بسم الله الرحمن الرحيم
السلام عليكم ورحمة الله وبركاته
عندي لكم طريقة سهلة وممكن كل وحدة تتبعها عشان تصنع مرطب شفاه خاص فيها وبالألوان اللي تحبها
المقادير والأدوات:
- فازلين
- روجج المفضل
- صحن بلاستيكي للخلط
- ملعقة صغيرة
- علبة بلاستيكية أو زجاجية صغيرة لحفظ المرطب الملون
الطريقة:
1. خذي القليل من الفازلين بالملعقة وحطي الملعقة على شمعة لين مايذوب الفازلين (إنتبهي لاتحطين فازلين وايد لأنه حجمه بيتضاعف بعد مايذوب
2. بعد مايذوب الفازلين حطية في الوعاء البلاستيكي (لاتلمسين الملعقة لأنها بتكون ساخنة)
3. خذي لون الروج المفضل عندج وقصي بعض من الجزء العلوي
4. حطية مع خليط الفازلين الحار وإخلطيهم مع بعض
5. صبي الخليط في العلبة البلاستيكية وخليها في الثلاجة لمدة 5 أو 10 دقايق
طبعاً إذا حسيتي تبين تزيدين اللون أو تخففينه ممكن تلعبين في كمية الفازلين أو الروج
وفي النهاية بتحصلين على مرطب شفاه ملون باللون المفضل عندج
أتمنى تكون الطريقة واضحة للجميع وإذا في أي إستفسار أنا حاضرة F:
ملاحظة هامة: لاأحلل نقل الموضوع أو الصور!